Resumo de teoría de hardware e software

Xa tedes colgado en o arquivo pdf do resumo de teoría de hardware e software. Podédelo descargar dende aquí, ou ben dende a lista de Documentos que tamén está na marxe do blog.

Descargar resumo de teoría

Ademáis dese documento, teredes que saber como pasar de binario a decimal e de binario a hexadecimal ou viceversa. Tamén tedes que ter claro a actividade sobre o sistema operativo windows (5ª actividade de hardware) , e saber, por exemplo, para que serve desfragmentar o disco duro ou crear un punto de restauración.

Balabolka - Sintetizador de voz gratuito

Balabolka é un conversor de texto a voz en MP3 e OGG moi fácil de usar.
Moi útil para deixar mensaxes falados, crear audiolibros, axudar a persoas con problemas de visión ou simplemente para xerar un mp3 dos nosos apuntes para repasar mentres imos dando un paseo.

Tamén dispón dunha versión portable.

Páxina de Balabolka

Cambia o teu escritorio con RocketDock

RocketDock é unha aplicación que instala unha barra de ferramentas similar á do sistema operativo Mac, cunha animación dos iconos moi interesante.

Dende a nova barra de tarefas pódese acceder a O meu computador, Panel de control, etc. O aspecto gráfico está moi cuidado e pódense modificar prácticamente tódolos parámetros.

Para engadir un programa á barra de tarefas simplemente o temos que arrastrar dentro da barra.

Leva as túas aplicacións favoritas a calquera parte

Portableapps é un proxecto que recolle moitas aplicacións gratuitas e as modifica para que se poidan executar directamente dende unha memoria USB. Evidentemente, o ordenador ó que se conecte a memoria USB ten que ter instalado Windows.

Portableapps é modular, xa que se poden instalar as aplicacións que queiramos descargando o instalable correspondente dende a páxina web.

www.portableapps.com

Crear un pdf dende calquera aplicación con PrimoPDF

PrimoPDF é unha aplicación gratuita coa que podemos crear un arquivo PDF dende case calquera programa.

Este programa crea unha impresora virtual no noso equipo. Todo o que enviemos a esa impresora virtual convertiráse a PDF.

Para convertir a arquivo PDF o único que temos que facer é ir ó menú de Imprimir no programa que estemos e en Seleccionar impresora temos que escoller PrimoPDF e seleccionar Imprimir.

Abriráse unha ventá na que se debe seleccionar a calidade do PDF ou configurar as propiedades do documento ou a seguridade. Para xerar o PDF temos que pulsar sobre Crear PDF.

Descargar PrimoPDF dende Softonic

Crear unha falsa mensaxe co Bloc de notas

Podemos crear unha mensaxe co contido que queiramos co Bloc de Notas de Windows. Por exemplo:

Abre o Bloc de Notas e teclea: msg * Error: Windows detectou un problema e debe pecharse. Cerre todalas aplicacions inmediatamente.

Garda o ficheiro por exemplo como error.bat. Cando o executes, aparecerá esa mensaxe. Podes cambiar o texto que aparece detrás de msg * por outras cousas que se che ocorran.

Sexta (e última) actividade de hardware e software

Aquí tedes a última actividade referente ó hardware e software, referente ós distintos sistemas operativos.

Descargar actividade

Blogs 2010-2011: Top 3

De cada certo tempo irase publicando unha lista dos blogs que están no Top 3 dos da clase.

Os puntos que se valoran son:

- Exercicios subidos (e cunha certa orde)

- Deseño do blog

- Número e calidade das entradas

- Contidos extras (cousas que lle poñades ó blog e que lle den un valor engadido)

Por suposto, a orixinalidade tamén conta.

A día 8/11/2010, o TOP 3 dos blogs é:

1poucodetodo.blogspot.com

pelopantenformen.blogspot.com

lorenaandalex.blogspot.com

Os que non aparezades, traballade para intentar estar entre os 3 primeiros a próxima vez, e os 3 primeiros, non vos confiedes.....

Quinta actividade de hardware e software

A continuación tedes a quinta actividade (xa quedan menos) de hardware e software, relacionada co sistema operativo Windows XP, que é o que tedes nos ordenadores da aula de informática.

Descargar actividade

Hardware e software - Cuarta actividade

O software. Tipos de restriccións, dereitos e permisos.

Crea un arquivo de texto cunha táboa na que aparezan os seguintes termos:

- Software libre

- Freeware

- Shareware

- Crippleware ou lite

- Nagware ou begware

- Licencia GPL

- Copyleft

- Licencias Creative Commons


Defíneos brevemente, destacando a diferenza entre uns e outros e pon algún exemplo de aplicacións que se distribúan baixo ese tipo de licencia.

Ao final, garda o teu arquivo como Hardware e Software - 4, convírteo a pdf e súbeo ó teu blog.