Recuva: recuperación de arquivos borrados

Podemos perder datos do noso ordenador por dúas razóns principais: por causas naturais e por erro humano. No caso de borrar arquivos por equivocación, unha das solucións é a de recurrir a programas de recuperación de arquivos.
Estes programas permiten recuperar documentos borrados en discos duros formateados, en unidades extraibles, etc. Un destes programas gratuitos é Recuva.

Cómo funcionan este tipo de programas: Realmente, cando eliminamos uns arquivos do ordenador ou do pen drive non desaparecen automáticamente, se non que o ordenador marca ese espazo de memoria como "borrable", así que se gravamos algo despois pode ser que esa nova información se escriba no lugar da memoria onde estaba o arquivo anterior.

Por iso, se borramos por erro uns arquivos dunha memoria extraíble (que non van parar á papeleira de reciclaxe, se non que realmente parece que desaparecen) o que debemos facer e non gravar nin instalar nada nesa memoria, por que podemos sobreescribir os arquivos que queremos recuperar.

Ó executar Recuva, o programa examina eses lugares da memoria que foron marcados como "borrables" e intenta recuperalos.

As vantaxes de Recuva son que ten unha elevada porcentaxe de recuperación de arquivos e presenta unha versión portable (pódese levar nunha memoria extraíble e executar sen necesidade de instalar).

Descargar Recuva (dende Softonic)

Descargar Recuva portable (dende Softonic)

Zamzar - Conversión de todo tipo de arquivos online

Moitas veces atopámonos co problema de querer cambiar o formato de arquivos de video, audio ou imaxe. Para iso xa coñecíamos o programa Format Factory.
Pero se non queremos instalar ningún programa dispoñemos de Zamzar, unha páxina que nos permite convertir moitos formatos de arquivo.

Sen necesidade de rexistrarnos, subimos o noso arquivo, seleccionamos o tipo de formato ó que o queremos convertir e introducimos a nosa dirección de correo electrónico. Unha vez convertido o arquivo, recibiremos un correo onde poderemos descargar o arquivo convertido.

A diferencia co Format Factory, con Zamzar tamén podemos convertir arquivos de texto. Por exemplo, un arquivo . docx, feito con Word 2007, que non podemos abrir co 2003, podémolo convertir a .doc en Zamzar, ou mesmo a .odt e abrilo co OpenOffice.

A versión gratuita é suficiente para convertir arquivos de ata 100 MB. Presenta distintas versións de pago coa que poderemos convertir arquivos maiores e almacenar online incluso ata 100 GB.